De Jeugdkwiebusse oet Naer
In 1960 höbbe ein aantal Naerse miense de Jeugdvastelaovesvereniging opgerichtj. Uiteraard kraege ze de naam Jeugdkwiebusse Naer.
In 1981 is d’r ein stichting in ’t laeve geroope die de naam kraeg “STICHTING INSTUIF NEER”. Dees stichting ging toen same met de Jeugdvastelaovendj ein aantal aovendje organizere väör de Naerse jeugd. ’t Patronaat waas inmiddels verlaeje tied en de activiteite wäördje georganiseerdj in ’t KJV gebouw.
’t KJV gebouw mos plaats make väör gemaensjapshoes in d’n Haammaeker. In 2002 zeen we mèt oos activiteite nao kefee-zaal “De Klomp” gegange, mer sinds die in 2008 de däöre höbbe gesjlaote zitte we weer bie de Haammaeker.
Hieël väöl miense zoeawaal groeat as klein bringe dao met ós de vastelaovesdaag door.
Wae haope det dit noch jaore zo door maag gaon!
